Pli longe ĝuu Nederlandon!
La Primitiva Renkontiĝo de 2008 okazos meze en nederlanda festo-periodo.
Do certe indas pli longe ĝui Nederlandon!
Sabate, la 26-a de aprilo
Malferma Tago de la Centra Oficejo de UEA en Roterdamo.
Merkrede, la 30-a de aprilo
Reĝina Tago: Nederlando festas la naskiĝdatrevenon de sia reĝino (ŝi fakte
naskiĝis en januaro, la antaŭa reĝino en aprilo). La tuta popolo iom freneziĝas kaj
okazas surstrataj festoj kie ĉiu povas libere vendi siajn aĵojn. Kunportu oranĝkolorajn
vestaĵojn.
Merkrede, la 30-a de aprilo ĝis dimanĉe, la 4-a de majo
Primitiva Renkontiĝo
Dimanĉe, la 4-a de majo
Rememoro de mortintoj: je la oka vespere oni memoras per du minutoj
da silento la viktimojn de armitaj konfliktoj.
Lunde, la 5-a de majo
Libereca Tago: Nederlando festas ke ĝi estas libera lando. Oni konsideras la valoron
de libereco, demokratio kaj homaj rajtoj i.a. per muzikfestivaloj en multaj urboj.
